KLOP EN BAK KOEK
Resep en foto: Alta Gunter Van Dyk.
‘n Kinderpartytjiekoek gemaak deur my dogter.
- 1½ koppie suiker
- 7 ekstra groot eiers
- 375 g sagte botter
- 3 koppies bruismeel
- ¼ teelepel sout
- ¼ koppie melk
- 2 teelepels vanilla-ekstrak
- Sit bestanddele in volgorde in mengbak (ons gebruik grootmaat menger).
- Klits alles vir ongeveer 3-5 minute saam tot dik en gladde beslag vorm.
- Neem verskeie bakke en deel beslag in vier bakke, gooi kleursel van keuse by, of een groot plaatkoekpan of 40 kolwyntjies.
- Vir sjokoladekoek:
- Sif 80 ml kakao saam meel en vermeerder melk na ½ koppie.
- Bak by 180 ºC vir 25 – 30 minute.
- Dit hang ook af watter grootte koekpanne jy gebruik. Toets maar.
- Versier na keuse.
