KLEINMAAT SEMELROOMBESKUIT

1 kg bruismeel
350 g semels (8 koppies)
2 koppies suiker
5 ml sout
500 g botter/bakmargarien
1 liter room

Voorverhit oond tot 180°C.
Smeer rolkoekpanne. Ek’t ‘n groot Defy-oond en gebruik die swart plat bakplaat van die oond hiervoor. Die beskuit rys nie baie nie. Drukpanne sal ook goed werk.

Meng die bruismeel, semels, suiker en sout. Frummel botter daar in tot fyn krummels.
Voeg room by en meng goed tot alles lekker klam is.
Druk deeg eweredig in pan vas.
Sny soos verkies.
Bak vir ongeveer 45 minute.
Sny los as effens afgekoel is. Dis nogals bros.
Droog uit in koel oond.
Bewaar in lugdigte houers.

Resep en fotos: Laetitia Burger