KLEINMAAT GEMMERKOEKIES

Resep en 2de foto: Fransa Vorster
Foto: Laurette Hitchcock – Het dit vandag gemaak. Dit was perfek!
Hierdie resep is maklik, vinnig en lekker. Die ideale resep vir kinders wat wil koekies bak.

• 125 g gesmelte margarien
  
• 125 ml stroop
  
• 1 eier
  
• 750 ml koekmeel
  
• 250 ml suiker
  
• 5 ml koeksoda
  
• 15 ml gemmer
  
• 2 ml sout
  
• 30 ml melk
• Meng margarien, stroop en eier en hou eenkant.
• Meng droë bestanddele saam.
• Meng margarienmengsel, droë bestanddele en melk saam en meng tot deeg.
• Rol die deeg uit en druk vormpies uit.
• Bak 10 minute by 180°C.