KLAPPER EN VLAKOEK
- Koek:
- 4 ekstragroot eiers, geskei
- 1 koppie suiker
- 1 teelepel vanilla geursel
- 80 ml sonneblomolie
- 60 ml vlapoeier, opgemaak tot 200 ml met koue water en bietjie suiker
- knippie sout
- 2 teelepels bakpoeier
- 1 hoogvol koppie koekmeel
- 1 koppie fyn klapper
Klits die eierwitte en sout saam tot styf en hou eenkant.
Klits suiker en eiergele tot dik en lig en baie bleek.
Giet die vlamengsel en olie oor die eiermengsel en sif die meel oor.
Meng tot net gemeng by lae spoed.
Roer die klapper in.
Sprinkel die bakpoeier oor en vou die eierwitte in 2 sarsies in.
Bak in voorbereide 23 cm pan by 180 ºC vir 60 min tot toetspen skoon uitkom.
Keer uit op draadrak en bedek met ‘n nat vadoek en laat afkoel tot koud.
Sny in 3 lae.
Vul met vulsel en sit meringue bo oor en brand met blaasvlam.
Versier met geroosterde klapperblare.
- Vulsel:
- Klits saam:
- 125 g roomkaas
- 60 g sagte botter
- 1 teelepel vanilla
- knippie sout
- 1 teelepel suurlemoensap
- Sif by:
- 500 g versiersuiker
Klits tot lig en wolkerig. Gebruik tussen koeklae.
- Meringue:
- 4 eierwitte
- knippie sout
- 1 koppie suiker
Klitsdie eierwitte styf met ‘n knippie sout.
Voeg die suiker bietjies bietjies by en klits tot styf en glad.
Smeer oor koek en brand met blaasvlam of roosterelement.
Resep en foto: Frikkie Jones
