KLAM SJOKOLADE KOLWYNTJIES-KOEK
Resep geplaas deur Marieta van Bladeren
Foto’s: Marieta van Bladeren
- 250 ml kookwater
- 180 ml kakao, gesif
- 125 ml melk
- 5 ml vanilla
- 500 ml koekmeel
- 7 ml koeksoda
- 2,5 ml sout
- 250 g botter, kamertemperatuur
- 315 ml sagte donkerbruin suiker
- 180 ml suiker
- 4 eiers
- Verhit oond tot 180°C.
- Plaas papiervormpies in ‘n muffinpan.
- Klits kookwater en gesifte kakao tot glad.
- Klits melk en vanilla by.
- Sif koekmeel, koeksoda en sout in ander mengbak.
- Klits botter, bruinsuiker en suiker tot lig van kleur en donsig in derde bak.
- Voeg eiers een-een by en klits deeglik na elke byvoeging.
- Voeg kakao mengsel en meel beurtelings by en klits na elke byvoeging.
- Begin en eindig met meel.
- Moenie bekommer as beslag geskif voorkom nie.
- Skep beslag in kolwyntjievorms – ek doen dit met outydse roomyslepel – en maak bokante gelyk.
- Bak vir 20 minute of tot gaar en uitgerys.
- Versier met sjokolade-suurroomversiersel.
- Sjokolade-suurroomversiersel:
- 300 g goeie gehalte melksjokolade, in blokkies gebreek
- 250 ml suurroom
- 5 ml vanilla
- Smelt sjokolade in dubbelkoker of in glasbak oor pot kookwater.
- Roer tot gesmelt is. Voeg suurroom en vanilla by en roer oor lae hitte tot glad.
- Verwyder van hitte en laat staan tot dik en smeerbaar.
- Smeer oor kolwyntjies voordat versiersel te dik is.
- Nota: Ek bak die resep ook in ‘n gatpan as grootkoek – dan so 40+ minute in die oond.
Category:
