KIWI CURRIED SAUSAGES

1 ui, gekap
20 ml olie
500 gram varkworsies, in skywe gesny
3 eetlepels kerriepoeier
‘n handvol sultanas/rosyne
600 ml water/hoenderaftreksel
1 koppie bevrore ertjies
1 hoog opgehoopte eetlepel maizena, aangemaak met water
100 ml room
2 gekookte eiers, in blokkies gesny
2 eetlepels blatjang
sout en peper na smaak

Braai uie in olie tot deurskynend. Voeg wors by en braai 5 minute. Voeg kerriepoeier by, en braai nog ‘n paar minute.
Voeg sultanas, water en ertjies by en prut 5 – 10 minute.
Voeg maizenamengsel by en laat opkook.
Roer room, eiers, blatjang, sout en peper by en prut ‘n paar minute oor lae hitte.
Bedien op rys met blatjang.

Resep en Foto: Ilze Garbers Jacobs