KERRIESOUS VIR WILDSWORS, TJOPS EN SOSATIES

45 ml olyfolie
1 groot ui, in skywe en gehalveer
60 ml asyn
240 ml water
200 ml blatjang
15 ml bruinsuiker
15 ml appelkooskonfyt
15 ml kerriepoeier
10 ml borrie
5 ml gerookte paprika
10 ml sout
5 ml gemaalde peper
2 lourierblare
3 naeltjies
6 wonderpeperkorrels
10 ml mosterdkorrels
30 ml bruinsuiker

Meng die blatjang, water, appelkooskonfyt en asyn en hou eenkant.
Verhit olie en braai uie tot glanserig saam met die lourierblare, naeltjies en wonderpeperkorrels.
Voeg die res van die speserye by en roerbraai ‘n minuut of twee waarna die blatjangmengsel bygevoeg word.
Laat prut vir 20 minute op lae hitte, verwyder van die plaat en laat afkoel tot louwarm.
Pak die vleise in ‘n bak en skep die louwarm kerriesous daaroor.
Laat marineer vir 3 – 5 dae in die yskas en draai gereeld om tydens proses.

Resep en foto: Johan Rossouw