KERRIE VAN BEESVLEISBLOKKIE

1 kg beesvleis blokkies
olie vir braai
2 groot uie, fyn gekap
6 tamaties, ontvel en fyn gekap
2 groot wortels, gerasper
30 ml suiker
5 ml kaneel
3 ml (ruim) fyn gemmer
3 ml (ruim) borrie
Sous:
30 ml olie
30 ml asyn
30 ml Worcestersous
125 ml tamatiesous
125 ml blatjang
15 ml matige kerriepoeier / of “hot” (soos verkies)
2 ml mosterdpoeier
30 ml appelkooskonfyt
1 lourierblaar
sout en peper na smaak

Voorverhit die oond tot 160ºC.
Bespuit ‘n oondbak met kleefwerende kossproei.
Braai die beesvleisblokkies in olie tot goudbruin.
Geur met sout en peper na smaak.
Skep die blokkies in ‘n oondbak.
Sorteer die ui in ‘n bietjie olie tot sag en deurskynend.
Voeg die tamaties en wortels by.
Voeg suiker, kaneel, gemmer en borrie by en roerbraai ‘n paar minute lank.
Voeg die uiemengsel by die vleisblokkies en meng deur.
Meng al die sousbestanddele en giet oor die vleismengsel. Meng deur.
Bedek en bak sowat 2 ure lank of tot vleis sag is.
Dien op met rys.

Resep en foto: Amanda Austen