KERRIE MARINADE LAM OF SOSATIES
- 2 kg blokkies skaapvleis of tjops
- 2 groot uie, in stukkies gesny
- 15 ml botter
- 250 ml water
- 1 teelepel komyn
- 1 teelepel swartpeper
- ½ teelepel rooipeper “cayenne pepper”
- 2 eetlepels kerriepoeier
- 1 eetlepel borrie
- 1 teelepel paprika
- 1 eetlepel appelkooskonfyt
- 1 eetlepel bruinsuiker
- 2 koppies bruin druiweasyn
- sout en peper
Braai komyn, swart peper en kerriepoeier in droë pan vir 1 minuut.
Voeg ui en botter by en braai tot ligbruin, voeg 250 ml water by en kook ongeveer 5 minute.
Voeg cayenne peper, borrie, paprika, appelkooskonfyt, suiker en asyn by en kook nog 5 minute.
Meng 1 eetlepel mielieblom met ‘n bietjie water tot pasta en verdik sous daarmee.
Laat afkoel. Marineer vleis in sous vir 3 dae in yskas.
Ryg blokkies op stokkies (met rooi, groen en geel pepper tussen of blokkies pork rashers )en rooster oor warm kole. Sout op die rooster en bedruip met marinade tot gaar.
Nota:
Vir ‘n hele skaap in tjops gesaag (sonder ribs, nek en skenkels) maak die resep 8 keer aan.
Resep en foto’s: Elize de Kock
2de foto: As jy lus is vir sosaties sonder werk, dan sit jy sommer heel Porterhouse Steak in jou sosatie marinade, noem dit sommer sosatie sonder die stok.
3de foto: Hezeré Janse van Vuuren
Ek het hierdie resep probeer met rump-steak, dun gesnyde brisket-vet, uie en 3-kleur soetrissies.
Dit was ‘n absolute Wenner!
Baie dankie vir die aanbeveling van die resep, ek sal dit beslìs weer maak!
Absolute wenner! Ek het net die soetrissies effe in olyfolie gebraai (dit was steeds ferm), voordat ek die sosaties gestop/ryg het.