Your Recipe Blog

KERRIE AARTAPPELSLAAI

Recipe by
| Servings: 15 - 18 porsies

KERRIE AARTAPPELSLAAI

Kan tot 1 week in die yskas gehou word met sukses.

  • 2 kg aartappels gekook, geskil en gesny (nog sterk lou)
  • 1 koppie sonneblomolie
  • 500 g uie, gekap
  • 2 teelepels knoffel, gekap
  • 1 eetlepel medium kerriepoeier
  • 1 eetlepel flou en pittige (mild and spicy) kerriepoeier
  • 1 eetlepel borrie
  • 1 eetlepel  sout
  • 2 lourierblare
  • 1¼ koppies suiker
  • 1 koppie witasyn
  • 1 koppie mayonnaise
  • handvol vars pietersielie, gekap

Berei die aartappels soos aangedui.
Kook die sonneblomolie met die gekapte uie op medium hitte vir 10 minute.
Voeg die gekapte knoffel by en kook vir een minuut.
Voeg die kerriepoeiers, en borrie by en laat kook vir twee minute.
Voeg die sout, lourierblare, suiker en witasyn by en laat kook vir drie minute.
Haal die pot van die hitte af en roer mayonnaise in.
Giet die warm mengsel oor die aartappels en roer deur.
Laat staan die slaai tot koud.  Roer af en toe.
Laat staan dit verder vir ‘n dag of twee in die yskas om geure te ontwikkel.
Verwyder die loerierblare en roer ‘n groot handvol pietersielie, gekap, by.
Bedien by kamertemperatuur.

Resep en foto: Frikkie Jones

Category:

Leave a Review

Your email address will not be published. Required fields are marked *

*

1 2 3 4 5