KENWOOD BOERBESKUIT

Resep en foto:  Frikkie Jones

• Plaas die volgende saam in die menger se bak en meng deur met deeghaak tot effens gemeng:
• 1 pakkie kitsgis
• 170 g (⅓ van 500 g) botter by kamertemperatuur
• 1 eier
• 430 ml water
• 250 ml (1 koppie) suiker
• Meng die volgende saam en voeg be die vogmengsel:
• 1 kg (7 koppies) koekmeel
• 160 ml (⅔ koppie) Cremora
• 1 eetlepel (15 ml) sout
• Voeg die droë bestanddele by en meng stadig tot dit  bymekaar kom.
• Knie op medium spoed vir ongeveer 10 min tot die deeg los van die bodem van die bak kom.
• Smeer die deeg met bietjie botter en bedek die bak en laat rys op ‘n warm plek tot die deeg hoog uitgerys het (4 ure).
• Knie af en bedek weer. Laat weer uitrys op ‘n warm plek.
• Maak pan/ne op en laat uitrys op ‘n warm plek.
• Hoe langer en stadiger die beskuit rys, hoe fyner is die tekstuur. Maak net seker die deeg kry nie koud nie.
• Bak by 160°C vir 1¼ uur tot gaar. Moenie haastig wees nie.
• Keer panne uit.
• Smeer die koppe van die beskuit met soet swart koffie.
• Koel heeltemal af voor jy dit breek/sny.
• Droog uit by 80°C vir 4 – 6 ure. Met die oonddeur op ‘n skrefie oop.
• Koel heeltemal af voor jy dit in lugdigte houers pak.