KARRINGMELKBESKUIT VIR ‘N OONDPAN
- 1 liter karringmelk
- 500 ml suiker
- 250 g botter of margarien, sag gemaak
- 10 ml sout
- 5 ml koeksoda
- 4 eiers
- 2 kg bruismeel
- 10 ml kremetart
Voorverhit oond tot 180ºC.
Bespuit ‘n groot oondpan (ongeveer 30 x 27 x 6 cm) met kleefwerende kossproei en voer uit met bakpapier.
Meng karringmelk, suiker, botter, sout, koeksoda en eiers saam in ‘n groot mengbak.
Sif die meel en kremetart saam en voeg by karringmelk mengsel.
Meng goed deur om ‘n hanteerbare deeg te vorm.
Skep in voorbereide oondpan.
Bak ongeveer 60 minute teen 180ºC.
Verlaag die oondtemperatuur na 160ºC en bak ‘n verdere 40 minute.
Verwyder uit oond en laat afkoel in pan.
Keer uit op draadrakkie en laat heeltemal afkoel.
Sny in beskuite en pak in oondpanne.
Verhit oond tot 70ºC en droog beskuit ten volle.
Draai af en toe om, om eweredige droging te verseker.
Resep en foto: Amanda Austen
Category:
