KARRINGMELKBESKUIT MET PEKANNEUTMEEL

Resep en foto: Hannie Steyn
Ek deel graag die resep wat ek gebruik het.
Het die resep by ‘n vriendin gekry.

• Nota: Dit is 46 x 35 x 2 cm pan met snyers wat ek gebruik.
  Ek vind as ek die deeg halfvol in die pan het, dan rys en bak dit mooi gelyk met die rant.
  Ek het 1¾ pan uit die beslag gekry, maar ek gaan my resep volgende keer 1¼ keer aanmaak dan sal dit ‘n volle 2 panne maak.
• 200 g margarien
• 3 eiers
• 2 koppies suiker
• 500 ml karringmelk
• 1 kg bruismeel
• 750 g pekannutmeel
• 3 teelepels bakpoeier
• 1 teelepel sout
• Stel oond op 180°C.
• Spuit beskuitpanne.
• Klits sagte margarien, eiers en suiker tot donsig.
• Voeg karringmelk by en meng goed deur tot suiker opgelos is.
• Voeg by gesifde droë bestanddele.
• Druk deeg gelyk in panne, rol gelyk met ‘n koekroller, sny en bak vir 1 uur.
• Laat afkoel en droog uit op 100°C.