KARRINGMELKBESKUIT MET ALL BRAN FLAKES

2 kg bruismeel
10 ml sout
1 kg botter (moet botter wees)
700 g suiker
1 liter karringmelk (ek gebruik soms amazi, is lekker romerig)
4 ekstra groot eiers
400 g All Bran flakes, fyngemaak (ek sit dit sommer in my voedselverwerker)

Verrroom suiker en eiers. Meng droë bestanddele in ‘n groot bak.
Maak ‘n spasie in die middel van die meel en voeg karringmelk, botter(ek smelt myne effens in die mikrogolf) en eiermengsel by. Meng baie goed.
Berei 2 oondpanne en skep mengsel daarin en druk vas, maak gelyk.
Bak vir 1 uur teen 180ºC. Keer die beskuit uit op afkoelrakkie.
Laat die beskuit goed afkoel, sny dan in happie grote en droog oornag uit.

Resep en foto: Ida Bouwer