KAKIEJONGENS (KERSIES)
Resep en foto: Jeanette Ferreira-van Jaarsveld
Elke jaar rondom Kersfees maak ek Boerjongen soos ek dit in België leer maak het: pruimedante ingelê met brandewynstroop. Vanjaar debuteer ek met my eie variasie: Kakiejongen (omdat die vrugte rooi is soos die Engelse soldate se baadjies in die Anglo-Boereoorlog). Dit is sappige ryp kersies in brandewynstroop.
- 4 koppies water
- 2 koppies suiker
- 2 kg kersies, geprik
- 125 ml brandewyn
- 1 teelepel vanilla geursel
- 1 teelepel sout
- Vul bottels met kersies.
- Los suiker in water op en kook 2 minute. Voeg vanilla, sout en brandewyn by stroop.
- Giet oor kersies.
- Seël dig met deksels.
- Stoor drie dae voor gebruik.
- Preservering (as jy dit langer wil bewaar)
- Plaas afkoelrak of vadoek op kastrolbodem en vul driekwart met water. Plaas verseëlde bottels bo-op en vul met water tot deksels bedek is. Bring tot kookpunt en kook vir 15 minute. Laat afkoel en stoor drie dae voor gebruik.
