KAAS EN UIE DROëWORS KOEK

Deeg:
1 kg bruismeel
2 pakkies wituiesoppoeier
1 liter Amazi
1 koppie gerasperde kaas
Versiering:
maaskaas, salami en droëwors na smaak

Meng die deegbestanddele goed saam.
Plaas in twee gesmeerde koekpanne (23 cm) en bak by 180ºC vir 1 uur of tot toetspen skoon uitkom.

Vulsel tussen twee lae en bo-op:
Maaskaas – ek het “chives” gegeurde maaskaas gebruik.
Smeer om die kante sommer gewone maaskaas, nie te dik nie net dat die droëwors kan plak.
Sny die droëwors almal ewe lank. Sit die droëwors rondom teen die koek vas, en bind vas met ‘n lint.
Versier bo-op met salamiblomme of soos verkies.

Resep en foto: Annalize Dorfling Volschenk