KAAS EN HAMTERT

Hier is my weergawe van die Ham en Kaas tert. Kan nie sonder my olywe en tamatie garnering nie. Dit was baie lekker.

30 ml botter
30 ml koekmeel
10 ml gegeurde seesout
‘n knippie rooipeper
5 ml droë mosterd
375 ml karringmelk
250 g ham, of weense worsies in dun repies
250 ml cheddar kaas, grof gerasper
30 ml fyn gekapte pietersielie
3 eiers, geklits
Skilferkors deeg

Enige tuisgemaakte pasteideeg werk ook goed.

Voorverhit die oond op 180 ºC
Bak die pasteideeg 10 minute sonder vulsel by 220 ºC indien jy tuigemaakte deeg gebruik.
Indien gekoopte skilferkors deeg gebruik word is dit nie nodig om die deeg vooraf te bak nie.
Plaas die botter, meel, sout, rooipeper en mosterd in ‘n pot op die stoof en meng oor lae hitte.
Roer die karringmelk by en meng tot glad. Roer en kook 2 minute, verwyder van die hitte.
Laat effens afkoel. Roer die ander bestanddele by.
Skep die vulsel in die voorbereide pasteikors.
Bak 45 minute tot mooi bruin en pofferig.

Foto: Madeleine Walters Bester