JINNIE SE HEERLIKE PAMPOENSOP
Heerlike pampoensop gemaak vanmiddag. Klaar binne 30 minute.
- 1 teelepel borrie
- 1 teelepel kaneel
- 1 kg pampoen, in blokkies gesny
- 1 liter water
- 7 duppels truffleolie, opsioneel
- 1 eetlepel droë klapper
- 2 teeleples heuning
- ¼ blokkie hoender aftreksel
- 1 eetlepel korianderblare
- peper
- 200 ml room
Braai borrie en kaneel in ‘n eetlepel botter in jou drukkoker pot.
Voeg pampoen blokkies by. Roer allles deur en laat vir 2 min braai.
Voeg die water by en plaas die deksel op die drukkoker dat alles sag kook.
Na 20 minute, verwyder van hitte en haal deksel af.
As pampoen nog ferm is, kook vir nog paar minute, maar as die pampoen sag is, voeg druppels truffelolie (opsioneel), droë klapper, heuning, blokkie hoender aftreksel, bietjie peper, gekapte vars korianderblare en room by.
Meng alles saam met ‘n “stick blender” tot lekker fyn. Voeg nog water by as nodig.
Kook die sop (sonder deksel) vir nog so 2 minute sodat geure meng, en nou is die pampoensop gereed!
Nota:
Ek garneer dit met ‘n skeppie mascarpone kaas en stukkies gedroogte klapper.
Vir hierdie heerlike sop is gewone pampoen perfek.
Foto en resep: Jinnie Theron
