INGELEGDE KOEJAWELS

Eerste 4 kg koejawels bewerk, ek het dit opgedeel en 2 kg op ‘n slag gekook.

2 kg geskilde koejawels, in helftes gesny
2 koppies suiker
2 koppies water
1 kaneelstokkie

Meng die water, suiker en kaneelstokkie in ‘n pot.
Sit op stoofplaat op medium hitte en roer tot suiker opgelos het.
Sit 2 kg geskilde koejawels in die stroop en kook op medium hitte vir 30 – 45 minute.
Roer kort kort versigtig deur.
Bottel in gesteriliseerde warm bottels, sit onderstebo neer dat dekseltjies goed kan seël en los so tot klaar afgekoel is.
Hou op koel plek.

Nota:
As jy bottel sou oopmaak, hou dan in yskas.
Geniet saam met vla of roomys.

Resep en foto: Doret Nienaber