INDIESE SKAAPKERRIE

30 – 45 ml olie
1 kg skaap/lamskenkels
1 ui, in ringe gesny
30 ml knoffel, fyn gesny
15 ml vars gemmer, fyn gesny
3 – 4 aartappels, in kwarte gesny
Speserymengsel:
sout en peper na smaak
25 ml breyani-masala
10 ml fyn komyn
15 ml breyani heel speserymengsel
30 ml matig of sterk kerriepoeier

Verhit olie in kastrol en braai uie tot sag.
Voeg knoffel en gemmer by asook spesery-mengsel. Sorteer so 1 minute lank.
Voeg vleis by asook 750 ml tot 1 liter water. Laat stadig prut tot vleis amper sag is.
As die vleis amper sag is, voeg die aartappels by.
Laat stadig prut tot vleis sag is en die aartappels gaar.
Bedien saam met ‘n stysel van jou keuse.

Resep en foto: Amanda Austen