“HOTDOG” ROLLETJIES
Resep en foto: Elaine Steyn
- 680 ml koekmeel
- 10 ml kitsgis
- 2.5 ml sout
- 250ml louwarm melk
- 1 eier
- 30 ml suiker
- 45 ml gesmelte botter/bak margarien
- ekstra gesmelte botter om oor te verf
- Meng 620ml koekmeel, gis, sout en suiker saam. Voeg melk, eier en margarien by en meng liggies. Laat staan vir so 5 minute. Knie tot elasties terwyl jy die oorblywende 60 ml meel byvoeg.
- Bedek bak met ‘n vadoek en laat rys op ‘n warm plek vir 30 minute.
- Knie af en verdeel in 8 gelyke stukke. Rol elke stuk in ‘n balle en rol dan plat in langwerpige stroke. Rol op om rolletjie te vorm.
- Pak op gesmeerde bakplaat. Bedek met ‘n vadoek en laat rys vir nog 30 minute.
- Stel oond op 180°C so halfpad deur die tweede rysproses.
- Sodra rys tyd verby is verf die rolletjies liggies met gesmelte botter.
- Bak ±20 minute tot gaar en mooi bruin.
- Nota:
- Ek’t sommer nog bietjie gesmelte botter bo op geverf nadat ek hul uitgehaal het. Laat paar minute afkoel in pan.
Category:
