HOENDERSCHNITZEL MET VARS TAMATIESMOOR

“Hierdie resep is net so lekker met visfillette. Voeg net halwe suurlemoen se sap by tamatie. Njammies!”

hoenderborsies, porsies na gelang van gaste
sout, Aromat, peper en paprika, alles na smaak
koekmeel, om hoender in te doop
eier, geklits
krummels, om hoender in te doop
olie, vir braai
Vars tamatiesmoor:
2 tamaties, in blokkies gesny
botter/kunsbotter, vir braai
Aromat en peper, na smaak
1 teelepel suiker

Sny hoenderborsies lengtegewys amper deur en vou oop. Plaas in plastieksak of kleefplastiek en slaan met koekroller plat. Geur met sout, Aromat, peper en paprika.
Doop in meel, dan geklitste eier en dan in krummels. Druk lekker vas en plaas een uur in ys- of vrieskas sodat eiers die krummels kan vasgom.
Braai in vlak olie oor medium hitte tot goudbruin aan beide kante.

Vars tamatiesmoor:
Sny tamaties in blokkies en braai in botter. Voeg Aromat, peper en suiker by tot gekarameliseer (sowat drie minute).

Resep en foto: Stef Conradie