HOENDERKERRIE MET MAYONNAISE
- 4 hoender fillets, opgesny
- 1 groot ui, baie grof gekap
- olyfolie vir braai
- 6 murg pampoentjies, opgesny in ringetjies (baby marrows)
- 1 tamatie, opgesny
- 1 eetlepel medium kerriepoeier
- 4 eetlepels mayonnaise
- 2 eetlepels suurlemoensap
- ¼ koppie amandels, opsioneel
- sout en peper na smaak
Braai die ui in olyfolie. Strooi kerriepoeier oor uie en roer tot die uie goed bedek is.
Voeg hoender en suurlemoensap by en braai hoender tot amper bruin.
Voeg murg pampoentjies en tamatie by.
Sodra tamatie begin sag kook, voeg mayonnaise (en amandels) by.
Prut vir nog so 10 min, sout en peper na smaak.
Bedien met basmatierys.
Resep en foto: Johan Beukes