HOENDER TIKKA MASALA

Zanzibar Chef se resep.

Hoender marinade:
1.2 kg hoender fillets
150 g gewon jogurt
10 ml suurlemoensap
6 huisies knoffel, fyn gesny
15 ml vars gemmer, fyn gesny
sout en peper na smaak
10 ml fyn komyn
10 ml garam masala
10 ml paprika
Sous:
45 ml olie
1 groot ui, fyn gekap
30 ml vars gemmer, fyn gekap
8 huisies knoffel, fyn gesny
10 ml fyn komyn
10 ml borrie
10 ml fyn koljander
10 ml paprika
20ml rissiepoeier
10 ml garam masala
15 ml tamatiepuree
600 g (2 sakkies) pastasous – tamatie geur
20 ml suiker
300 ml water
250 ml room

Sny die hoender in blokkies en pak in ‘n glasbak.
Meng al die marinade bestanddele saam, en giet oor die hoender. Meng goed deur.
Maak bak toe en sit in yskas oornag.
Soteer die ui in olie tot sag en glasig.
Voeg die knoffel en gemmer by en soteer 1 minute lank.
Voeg al die speserye by en soteer nog 1 minute lank.
Voeg die tamatiepuree, suiker, pastasous, en water by.
Bring tot kookpunt en kook 5 minute lank.
Voeg die hoender en room by en laat kook tot die hoender gaar is. (Ongeveer 10 minute)
Bedien met rys.

Resep geplaas en foto: Amanda Austen