HOENDER- EN GROENTESOP MET KOOL

Resep en foto: Christelle van Rooyen

1 kg gemengde hoenderstukke
3 liter kookwater
3 hoender ekstrak blokkies
3 gerasperde wortels
2 gerasperde aartappels
2 fyn gesnyde medium uie
350 g gekerfde groenbooontjies
¼ fyn gesnyde koolkop
1 koppie gebreekte spaghetti of skulp noedels
knoffel vlokkies
swart peper
paprika
sout
gedroogte of vars pietersiele
Kook gemengde hoenderstukke (die bene gee ekstra geur) in ± 3 liter kookwater waarin 3 hoender ekstrak blokkies opgelos is, tot sag en ontbeen.
Voeg speserye, groentes en en laat kook ‘n rukkie.
Voeg die pasta by.
Laat kook alles saam tot gaar (roer gereeld dat dit nie onder aanbrand nie).
Nota:
Die pasta moenie papkook nie, dit sal meer uitsit sodra die kastrol van die hitte verwyder word.
Opsioneel:
Vir ‘n dikker sop voeg 2 pakkie knorr hoender noedel sop by. Maak aan met bietjie water en voeg by indien gebruik.
Geniet dit netsó of met geroosterde brood (met of sonder gerasperde cheddar).
Laat die sop wat oorbly, afkoel en plaas in die yskas óf vries.
Die sop is die volgende dag nóg lekkerder.