HERDERSPASTEI

1 gesnyde ui
1 gesnyde groen soetrissie
knoffel, na smaak
250 g spek
½ pakkie sampioene, in skywe gesny
500 g maalvleis
1 eetlepel steak en chops speserye
peper
1 pakkie pepersous
4 groot aartappels
botter
melk

Braai ui, groen soetrissie en knoffel tot sag. Sny spek in repies en voeg saam met sampioene by uiemengsel, braai saam.
Voeg maalvleis, speserye en peper by en braai tot gaar.
Maak pepersous aan volgens die aanwysings op die pakkie en meng alles saam.
Skep in plat vierkantige glasbak.
Kook aartappels tot sag in water. Dreineer die water. Druk fyn.
Voeg genoeg botter en melk by en maak fyn tot dat dit romerig is.
Skep bo-op maalvleismengsel en maak gelyk. Bak so 30 minute by 180°C.
Rooster onder element vir ‘n paar minute tot goudbruin bo-op.
Nota:
Gemengde groente kan saam met maalvleis gemeng word indien verkies.

Resep en foto: Ronell Visser Gouws

Nota: Rina Kleinhans, as jy die aartappels met ‘n vurk grof trek, maak dit mooi bruin puntjies onder die rooster.