HENNIE SE BOONTJIESOP

500 g rooi nierboontjies “red kidney beans”
30 ml koeksoda
500g beesskenkel vleis, opgesny
2 medium groot uie, gesny in ringe
100 g spek, in blokkies gesny
water

Voeg koeksode by die boontjies en bedek met water. Laat staan vir 2 tot 3 ure. Spoel goed af.
Sit vleis onder in die prut pot. Sit uie en spek by en skep geweekte bone bo-op. Bedek met water. Laat oornag kook op auto.

2 medium aartappels, geskil en in kwarte gesny
2 groot wortels, geskil en in blokkies gesny
2 seldery stingels, klein opgekerf
sout en peper
1 blokkie vleisekstrak
1 pakkie tamatiepuree

Volgende oggend of wanneer die bone omtrent heel sag is, voeg die aartappels, wortels en seldery by die gekookte vleis en bone.
Voeg vleisekstrak blokkie, sout en peper na smaak by.
Kook verder vir 2 ure todat alles sag gekook is.