HENDRIK SE BEESSTERT MET BRANDEWYN

1 kg beesstert
100 ml olyfolie
2 uie gekap
8 wortels, in ringe
2 seldery stingels, in skywe
50 ml brandewyn
250 ml rooiwyn
500 ml beesvleis aftreksel
2 lourierblare
6 kruienaeltjies
2 knoffelhuisies
tiemie, pietersielie, sout en peper na smaak
2 tamaties, geskil en gekap
gerasperde skil van ‘n lemoen

Verhit olie in pot en braai uie en seldery tot bruin en haal uit.
Verbruin beesstert in dieselfde pot.
Maak brandewyn warm, gooi oor stert en steek aan die brand.
Gooi rooiwyn in sodra vlamme dood is en kook paar minute.
Gooi genoeg aftreksel oor om vleis net te bedek.
Gooi res van bestanddele oor en prut oor lae hitte vir 3 ure.
Laat afkoel en skep oortollige vet af.
Sit tamatie en lemoenskil by, prut verder vir ‘n uur.
Bedien met rys of stampmielies.

Resep geplaas deur Hendrik Markgraaff‎
Foto: Hendrik Markgraaff‎