HELEEN’S TRINCHADO
- Marinade:
- 750 g fillet steak, in blokkies gesny
- 125 ml brandewyn
- 125 ml droë rooiwyn
- 60 ml Worcestersous
- 5 ml Ma Maria Portuguese rissiesous (of enige rissiesous of rissies of gedroogte rissievlokkies)
- 60 ml sojasous
- 30 ml balsamiese asyn
- 4 lourierblare
- 15 ml fyn knoffel
- ½ suurlemoen se sap
- Trinchadosous:
- botter en olie om die steak te braai
- 1 blokkie biefekstrak met 15 ml water aangemaak
- tamatiepasta
- olywe
- 2 uie
- ½ bottel Nando’s Pregosous
- 60 ml soet rissiesous (sweet chilli sauce)
- 2 koppies biefekstrak
- ½ teelepel sout
- swartpeper
- Portugese hoenderspeserye
- 1 pakkie ontpitte swart olywe (dit kan aangepas word na smaak)
- 1 koppie room
- ½ pakkie wit of bruin uiesoppoeier
- 4 Portugese broodrolletjies
- gerasperde skil van 1 suurlemoen
Marinade
Plaas fillet in dieperige bak.
Meng brandewyn, rooiwyn, Worcestersous, sojasous, suurlemoensap, knoffel, Ma Maria’s Portuguese rissiesous en lourierblare saam en bedek die steak met die mengsel.
Marineer vir so 3 – 4 ure.
Trinchado
Smelt botter, voeg olie by en verhit.
Braai uie tot sag en deurskynend haal uit en hou eenkant.
Geur steak blokkies met Portuguese hoenderspeserye en braai ‘n bietjie op ‘n slag, so soplepel op ‘n slag. Braai elke soplepel vol en hou eenkant tot al die steak gebraai is. Vul bietjies olie en botter in soos benodig.
Plaas die steak blokkies terug in die pan saam met die MARINADE, die soet rissiesous en ‘n halwe bottel Nando’s se Prego sous.
Voeg tamatiepasta by en kook stadige hitte vir ¾ uur.
Voeg olywe, paprika, sout, gemaalde swart peper by, meng die room en uiesoppoeier en meng by die vleismengsel in, prut vir so 15 – 20 minute.
Bedien in diep bakkies, sit skyfies (french fries of slap chips) in die bakkie, skep die Trinchadomengsel bo-op, skep bietjie van die gerasperde suurlemoenskil bo-op en bedien met Portuguese rolletjies om daai sous mee te op te vee.
Resep en foto’s: Heleen Brümmer Nel
Category:
