HELEEN SE HOENDERSOSATIES

“Kinders was moeg vir braai en vinnige etes… hulle het gevra, vir kook kos… pampoen, spinasie, gebakte aartappels, spicy rys en hoender kebabs!”

hoenderfilete, in groterige blokkies gesny
groensoetrissies en uie, opsioneel en in stukke gesny
250 ml soetrissiesous
125 ml suurlemoensap
hoenderspesery, na smaak
prego- en hoenderspesery, na smaak
10 ml knoffelvlokkies
5 druppels Tabascosous
sout en peper, na smaak

Ryg hoenderblokkies op 20 cm sosatiestokkies.
Opsioneël:
Jy kan groensoetrissies en uie ook tussen hoenderblokkies inryg.
Plaas sosaties plat langs mekaar in plastiekbak. Sprinkel speserye, sout en peper oor en vryf liggies in.
Meng die souse, suurlemoensap en knoffel. Bedek sosaties en marineer vir vier ure, draai na twee ure om. Voorverhit oond tot 180 °C.
Plaas in oondbak en bak vir 25 minute, haal uit en draai om sodat onderkant nou bo lê, bak vir verdere 25 minute of tot dit begin verbruin.

Nota: Kan ook oor die vuur gebraai word.

Resep en foto: Heleen Brümmer Nel