HEERLIKE SOUS HOENDER

Resep en foto: Amanda Austen

• 9 tot 12 hoenderdye en boudjies
• sout en hoenderspeserye na smaak
• 10 ml fyn knoffel
• 1 ui, opgekerf
• SOUS:
• 200 ml natuurlike jogurt
• 250 ml mayonnaise
• 50 ml bruin suiker
• 50 ml tamatiesous
• 10 ml Worcestersous
• 100 ml blatjang
• Pak die hoender in ‘n oondbak.
• Geur met sout en hoenderspeserye.
• Strooi die knoffel en ui bo-oor.
• Meng al die sousbestanddele saam en giet oor die hoender.
• Maak oondbak toe met foelie en bak op 180 °C vir 1 uur lank.
• Verwyder die foelie en rooster die hoender tot bruin van bo.