HEERLIKE LITCHI HOENDERSLAAI

800 g hoender fillette, in blokkies gesny
2 suurlemoene, gebruik die sap en skil van die suurlemoen
1 groot blik litchies, gedreineer en hou die sap eenkant
15 ml olyfolie
2 rooi uie, gekap
10 ml knoffel (ek gebruik gekoopte knoffel wat reeds fyngedruk is)
5 ml kerriepoeier
125 ml witwyn
30 ml mayonnaise
30 ml blatjang
250 ml gewone jogurt
500 ml blaarslaai
1 klein komkommertjie, in wieltjies gesny
3 wieletjies Fetakaas
1 pakkie klein kersietematies, gehalveer
2 avokado’s, geskil en in blokkies gesny
1 handvol olywe
vars koljander, vir garnering

Geur hoenderblokkies met suurlemoensap, – skil, hoenderspeserye, sout en peper en braai die hoender tot gaar en hou eenkant.
Braai uie en knoffel tot sag, voeg kerrie by en braai vir ‘n paar sekondes.

Voeg litchiesap en witwyn by en kook vir 10 min.
Voeg die hoenderblokkies by en kook vir ongeveer 5 min. Ek het die sous verdik met Maizena.
Laat die hoendermengsel afkoel.

Meng die mayonnaise, jogurt en blatjang saam.

Rangskik die blaarslaai, komkommer, Fetakaas, kersietamaties, avokado’s en olywe in ‘n groot slaaibak voor.

Sodra die hoendermengsel afgekoel het, meng die mayonnaisemengsel deur die hoenderblokkies.

Voeg die hoender by die slaai mengsel, garneer met koljander en bedien.

Resep en foto: Elna Erasmus