HEERLIKE LAMSKENKEL MET STAMPMIELIES
- ± 3 lamskenkels (hang van hoeveelheid mense af)
- 1 groot eetlepel gekapte vars roosmaryn (15 ml dry rosemary)
- 2 uie, grof gekap
- 6 klein pekeluitjies, heel skoongemaak
- 1 groot prei, gekap
- 3 tot 4 wortels, goed gewas en grof gekap
- 10 ml soyasous
- 10 ml Balsamic asyn
- 2 koppies (500 ml) rooiwyn
- 2 stukkies knoffel, gekap
- sout en growwe swartpepper, na smaak
- 5 ml droë tiemie
- 1 stingel seldery, gekap en optioneel
- 1 blokkie hoender of beesaftreksel opgelos in 750 ml tot 1 liter kookwater
- 1 blik cherry tamaties
- mieleblom, om sous te verdik
- olyfolie, om lamskenkel te seël voor in pot gesit word
Voorverhit oond tot 160°C.
Neem ‘n swaarboompot en verhit olie en seël skenkels tot bruin.
Haal uit.
Plaas al die bestanddele behalwe mielieblom in pot en pak skaapskenkels bo-op al die wortels en uie ens.
Maak seker skenkels is omtrent driekwart bedek met aftreksel water en al die ander vloeistof.
Bak stadig vir 4 tot 5 ure of tot sag.
Verdik sous met mielieblom.
Bedien met rys of stampmielies en groente.
- STAMPMIELIES
- 250 ml (1 koppie) stampmielies
- 500 ml vars room
- 20 ml botter
- sout en peper na smaak
- roosmaryn takkie
Week stampmielies vir so 4 ure in warm water.
Dreineer water.
Gooi nou vars water by en kook oor stadige hitte tot sag.
Kook ‘n paar minute vir roosmaryn om smaak te gee. Gooi 90 % van oortollige water af.
Voeg die botter en room by en geur na smaak. Laat staan vir so 10 minute, sodat stampmielies die room kan absorbeer en kan verdik.
Resep en foto: Amanda Naude
