HEERLIKE KOLWYNTJIES

Resep en foto: Madelein Van Greunen
Ek gebruik hierdie versiering vir al die koeke wat ek bak.

• 3 eiers
• 1 koppie suiker
• ½ koppie kookwater
• ½ koppie kookolie
• 2 koppies koekmeel
• 5 ml vanilla geursel
• 3 teelepels bakpoeier
• Voorverhit die oond tot 180°C.
• Klits die eiers en suiker saam. Voeg die olie en  kookwater by en meng goed.
• Meng die meel, vanilla en laastens die bakpoeier goed.
• Voeg die meelmengsel by die vloeistofmengsel en meng goed.
• Vul 12 kolwyntjie houertjies halfpad.
• Bak vir 20 minute.
• VERSIERSUIKER
• 1 blok wit Wooden Spoon margarien
• 1 kg versiersuiker
• 2 teelepels kookwater
• 2 teelepels vanilla geursel
• Die margarien moet kamertemperatuur wees.
• Klits die margarien met jou elektriese klitser baie goed.
• Voeg die kookwater en die vanilla by en klits baie goed.
• Deel die versiersuiker in 3 dele en voeg 1 deel op ‘n slag by, klits goed na elke byvoeging.
• Klits nog vir so 3 minute.
• Nou kan jy enige kleursel byvoeg wat jy ookal wil en versier.
• Plaas in die yskas vir so half uur om goed te stol.
• Die versiersuiker bly redelik stabiel.