HANTIE SE LEKKER PAPTERT

groot pot krummel mieliepap*; los ‘n blokke hoenderekstrak op in die water en 2 eetleppels sout wanneer jy die pap maak
1 blik suikermielies
1 blik heel mieliepitte, ontwater
2 pakkies spekstukkies
2 groot uie, fyn gesny
2 groen soetrissies, fyn gesny
1 pakkie sampioene, gesny
5 koppies gerasperde kaas
250 ml room
Aromat vir geur

Maak die pap en verkoel dit effens.
Braai die ander bestanddele tot gaar.
Meng alles en twee koppies kaas deeglik, strooi Aromat oor en dan die res van die kaas.
Plaas in ‘n oondvaste pan en bak teen 180 °C vir 30 minute.
Bedien warm saam met braaivleis.

KRUMMELPAP 4 – 6 porsies
250 ml water
1 ml sout
500 ml mieliemeel

Bring water en sout tot kookpunt in ’n kastrol.
Giet die mieliemeel in die middel van die water en maak onmiddellik toe met ’n deksel.
Die water moet byna heeltemal wegkook.
Wanneer daar net ’n klein bietjie water in die kastrol oor is, roer jy die mieliemeel deur met ’n vurk – dis hoe die krummels vorm.

Resep en foto: Matthys Venter