HAELPATRONE – GEVULDE SPEK ROLLETJIES
Resep en foto: Jan Salti Viljoen
Iets anders vir vanaand se braai.
- 2 kaas russians
- 12 repies spek
- 3 – 4 groen vye, fyn gesnipper
- 4 knoffeltoontjies, fyn gesnipper
- ½ groen soetrissie, fyn gekap
- 2 Jalapenos, fyn gekap
- 2 rooirissies, fyn gekap
- 250 g houer roomkaas, in 2 gedeel
- Sny die Russians in 1 cm dikte ringetjies.
- Rol die spek om die ringetjies sodat die spek die haelpatroondop vorm en die Russianringetjie die bodem, steek die spek vas met ‘n tandestokkie.
- Meng die 1 helfte van die roomkaas met die Jalapeno en rooirissie en die ander helfte roomkaas met die soetrissie.
- Skep ‘n bietjie groenvye en knoffel in elke spekdoppie.
- Vul die een helfde van die doppies met die Jalapeno-roomkaasmengsel en die ander helfte doppies met die soetrissie-roomkaasmengsel.
- So het jy haelpatrone wat “skop” en haelpatrone met minder skop.
- Braai die spekrolletjies op die rooster in die weber tot die spek gaar is en die vulsel deurwarm is.
