GUINNESS BEESVLEISBREDIE

Resep en foto: Nicolaas Martinus Swanepoel

1 kg kook beesvleis, ontbeen
sout en peper na smaak
olie om vleis in te braai
1 ui, in blokkies gesny
3 wortels, geskil en skywe gesny
2 seldery stingels, in blokkies gesny
2 aartappels, in blokke gesny
15 ml knoffel, opgekap
30 ml koekmeel
40 g tamatiepasta
440 ml Guinness bier
500 ml vleisaftreksel
10 ml Worcestershiresous
2 lourierblare
5 ml gedroogde of 10 ml vars tiemie
10 ml pietersielie, vars en fyngekap
Sny die beesvleis in blokkies, ongeveer 4 tot 5 cm stukke. Druk droog met handoek papier en sprinkel sout en peper na smaak.
Verhit die olie in ‘n dikboom pot. Plaas ‘n deel van die vleis daarin en braai tot mooi bruin aan albei kante. Verwyder en plaas eenkant. Herhaal tot al die vleis gedoen is.
Plaas die Guinnes en vleisaftreksel in die dikboom pot, bring tot prut en skraap die bodem van die pot goed met ‘n houtlepel.
Plaas die vleis asook die aftreksel en bier, wat warm gemaak is, oor in ‘n drukkoker.
Kook vir ongeveer 40 minute. Moet nie te lank kook nie.
Indien die vleis klaar in die drukkoker gekook het, plaas die uie, wortel, seldery en aartappel in die dikboom pot en braai oor medium hitte met ‘n bietjie olie, roer gereeld. Ongeveer 4 minute.
Voeg die knoffel by en braai tot geurig.
Roer die meel en tamatie pasta by en braai ongeveer 1 minuut. Nie te veel nie anders gee dit ‘n bitter smaak aan die bredie.
Skep die vleisaftreksel, bier en vleis stadig terug in die dikboom pot.
Roer versigtig deur. Laat stadig prut.
Voeg die worcestershiresous, tiemie en lourierblare by. Roer gereeld en wees versigtig vir aanbrand. Hou aan tot die groente net sag is.
Voeg die pietersielie by en geur met sout en peper indien nodig.