GROOTMAAT KARRINGMELKBESKUIT MET BRUISMEEL
Resep en foto: Frikkie Jones
“Ek bak met xylitol in plaas van suiker. Lewer ongeveer vier kilogram droë beskuit.”
- 3 kg bruismeel
- 2½ koppies koekmeel
- 25 ml bakpoeier
- sout
- 750 g kunsbotter
- 2½ koppies suiker (Xylitol)
- 1½ liter karringmelk
- 7 eiers
- Sif bruismeel, koekmeel en bakpoeier saam en hou eenkant.
- Smelt kunsbotter oor lae hitte.
- Voeg suiker by en laat smelt.
- Klits klonte uit indien nodig en voeg karringmelk by bottermengsel.
- Hou louwarm.
- Klits eiers en voeg by bottermengsel.
- Meng met meelmengsel en knie effens.
- Smeer panne, knyp bolletjies deeg af en pak in die panne.
- Bak in vooraf verhitte oond by 160 °C vir een uur.
- Keer uit en koel af. Breek soos verlang en droog uit.
Category:
