GRONDBOONTJIEBOTTER FUDGE MET BROSBROODKRUMMELS

2 koppies suiker
¼ teelepel sout
¾ koppie melk
4 eetlepels grondboontjiebotter
1 teelepel vanilla geursel
80 g haselneut “hazelnut” sjokolade, in stukkies gebreek
4 brosbrood koekies, fyngemaak

Meng suiker, sout en melk. Roer oor lae hitte tot die suiker opgelos is en kook sonder om te roer tot dit ‘n sagte bal vorm as dit in koue water getoets word (114.5º C by seevlak).
Voeg grondboontjiebotter en sjokoladestukkies by, haal van die stoof af. Moenie roer nie en laat afkoel totdat kastrol op jou hand gehou kan word sonder om te brand.
Roer mengsel met ‘n houtlepel tot dit dik en romerig is, voeg geursel en koekies by en meng deur.
Skep uit in ‘n pan wat met botter gesmeer is en sny in blokkies wanneer koud.

Foto en resep: Nicholas Scheltens