GRONDBOONTJIEBOTTER EN SJOKOLADEKOEK

• 3 eiers, geskei
• 2 koppies bruinsuiker
• 2 koppies koekmeel
• ¾ koppie kakao
• 1 koppie karringmelk
• 1 koppie sterk swart koffie
• ¼ koppie gladde grondboontjiebotter
• ½ koppie olie
• 15 ml vanilla ekstrak
• 15 ml bakpoeier
• 15 ml koeksoda
  
• Versiersel:
• ¼ koppie gladde grondboontjiebotter
• ½ koppie botter, kamertemperatuur
• ½ koppie room
• 2 koppies versiersuiker
• ¾ koppie kakao
• 5 ml vanilla ekstrak
• Verhit die oond tot 180ºC.
• Spuit 2 koekpanne van 22 cm deursnee met Spray-‘n-cook en voer uit met bakpapier.
• Skei die eiers, klits eierwitte styf en hou eenkant.
• Klits eiergele, suiker en vanilla tot lig en romerig.
• Meng al die droë bestanddele saam.
• Meng warm koffie, grondboontjiebotter en olie.
• Voeg meelmengsel en koffiemengsel om die beurt by eier mengsel.
• Meng goed. Vou die eierwitte in.
• Laastens vou bakpoeier en koeksoda by.
• Verdeel beslag tussen die 2 koekpanne en bak 35 tot 40 minute of tot toetspen skoon uitkom.
• Haal koeke uit die oond en laat afkoel vir 15 minute voor jy die koeke omkeer.
• Laat heeltemal afkoel voor versier.
• Versiersel:
• Klop botter, grondboontjiebotter en vanilla tot lig en romerig in elektiese klitser.
• Voeg versiersuiker en kakao om die beurt by en hou aan klits.
• Voeg laastens die room by en meng goed.
• Versier die koek en geniet!