GROENTEGEBAK VAN GEVRIESDE GROENTE
- 4 – 5 koppies bevrore gemengde groente van jou keuse (ek het blomkool, broccoli, groenbone en ‘n klein bietjie pampoen gebruik)
- 125 g roomkaas
- 150 ml room
- sout en peper na smaak
- 500 g gerasperde kaas
- 3 eetlepels gebraaide ui/salotte, bo-oor gesprinkel
Kook die groente in kookwater vir 5 – 7 minute tot net sag. Dreineer en hou eenkant.
Smelt die roomkaas in dieselfde pot/pan oor medium hitte, en roer die room, sout en peper by tot ‘n gladde sous vorm.
Voeg nou die groente by en roer deur.
Sprinkel kaas en ui bo-oor, en bak vir 15 minute by 200°C.
Resep en foto: Ilze Jacobs