GROEN VYEKONFYT IN DIE MIKROGOLF

500 g groenvye
1 liter koue water
5 ml kalk
1 liter kookwater
2 vye blare
625 ml wit suiker
10 ml suurlemoensap
1 ml wynsteensuur
1 stuk pypkaneel of vars skywe gemmer

Skraap vel van vye, sny kruisie in en laat week oornag in kalkwater. Spoel af.
Plaas die vye in ‘n bak met kookwater saam met blare. Mikrogolf vir 10 min op hoog.
Dreineer en plaas eenkant. Maak die stroop van suiker, kookwater, suurlemoensap, wynsteensuur, pypkaneel of gemmer en kook dit vir 10 min in mikrogolfoond.
Voeg vye by en mikrogolf dit vir 30 tot 40 min op hoog.
Bottel in warm voorbereide bottels, seël dadelik.

Resep: Rina Shorty
Foto: Martie Fourie Moolman