GIDEON SE VYEKONFYT
“Nadat ek nou lekker uitgeëet is aan lekker ryp vye, het ek nou ook genoeg vir die eerste klein vyekonfyt kooksel. Ek het nog ‘n pluksel vye gepluk om konfyt mee te kook. Dit het bááááie mooi uitgekom en is baie lekker.”
- 4 kg ryp geskilde vye
- 3 kg suiker
- 1 eetlepel suurlemoensap (word ingeroer net voor klaar gekook is)
Strooi die suiker oor die vye en laat staan oornag.
Skep oor in ‘n groot kastrol en bring tot kookpunt.
Nota:
Ek probeer dit so min as moontlik roer, omdat die vye ryp en sag is en kan maklik die stukke laat wegkook.
Verlaag die hitte en kook op lae hitte vir nog ‘n uur; doen die stroop toets.
Skep in gesteriliseerde flesse terwyl dit nog warm is.
Ek het die treksel in liter flesse gesit; ek hou eintlik meer van kleiner flessies.
- Nog ‘n resep:
- 4,5 kg vye (10 lb)
- 1,5 kg suiker (3½ lb)
Skil vye af (gebruik maar handskoene) en sit saam met die suiker in ‘n kastrol.
Kook vir sowat 30 minute.
Skep in gesteriliseerde potte terwyl dit nog warm is.
Draai dig toe.
Resep en foto’s: Gideon Louw
Nota:
Petro Kruger Scheun – wenk: gooi sout by en halwe suurlemoen se sap, keer vir sandsuiker en breek die meeste soet, ek en my Pa kook al jare so vyekonfyt.
