GIDEON SE TUISGEMAAKTE PIZZA

Darem maar niks lekkerder as ‘n tuisgemaakte pizza nie. Hmmmmm ryk en lekker.

Deeg:
4 koppies koekmeel
400 ml louwarm water
2 eetlepels kookolie
10g droë kitsgis
½ teelepel sout
2 eetlepels suiker
Vulsel:
gerasperde Cheddar kaas
gerasperde Mozzarella kaas
salami wieletjies
gesnipperde rooirissies, in olyfolie geweek
rocket blare

Deeg:
Meng al die droë bestanddele saam.
Voeg olie by die water.
Voeg watermengsel by droë mengsel en knie tot ‘n elastiese deeg.
Plaas in ‘n ligte geoliede bak en bedek.
Laat dit rys op ‘n warm plekkie tot dubbel so groot.
Knie af en verdeel in stukkies.
Rol lekker dun (3 tot 4 mm) uit.
Plaas deeg in gespuite oond pannetjie.

Vulsel:
Plaas lagie Cheddar kaas gevolg deur ‘n lagie Mozzarella kaas op deeg.
Pak toe met salami wieletjies asook gesnipperde rooirissies.
Bak vir ongeveer 4 tot 5 minute in vooraf verhitte oond.
Garneer met rocket blare en geniet.

Foto en resep: Gideon Louw