GIDEON SE KAAS EN UIE BROOD

Resep en foto: Gideon Louw
Ek het gisteraand hierdie heerlike broodtjies in my varkie oond gebak en dit was baie lekker.

• 1 groot ui geskil en in ringe gesny
• 1 koppie gerasperde kaas
• 4 koppies koekmeel
• 400 ml lou water
• ½ teelepel sout
• 1 eetlepel olyfolie
• 1 eetlepel suiker
• 1 klein pakkie gis. ( 10g )
• Sif alle droë bestandele en meng alle bestandele in ‘n mengbak behalwe die kaas en uie.
• Knie dit tot ‘n elastiese deeg op ‘n meel area en laat staan onder ‘n doek vir ‘n uur.
• Deel die deeg in twee ewe groot dele en rol effe oop.
• Deel die uie en kaas in twee. Vir twee pannetjies.
• Plaas die uie en kaas in die middel en vou die deeg rondom die kaas en uie toe.
• Plaas van die gesnyde uieringe al in die rondte regop teen die pan se rand en plaas die toegerolde deeg met die naatkant onder in die twee pannetjies.
• Plaas ook uie ringe bo-op die deeg en laat staan vir ‘n uur om te rys.
• Ek’t my varkie oond opestart en warm gemaak tot omtrent 180ºC.
• Plaas die panne in die oond en bak vir 40 min.
• En siedaar ‘n djeeeeeerlik vars uie en kaas brood
  As jy nog meer lekker wil hê smeer die snytjies met kaassmeer en geniet.