GEURIGE KERRIEMAALVLEIS

Resep en foto: Amanda Austen

kook- of olyfolie
2 uie, opgekap
15 ml kerriepoeier
3 ml komyn
3 ml fyn gemmer
3 ml fyn koljander
5 ml borrie
1 heel kaneelstok
800 g maalvleis
sout en peper na smaak
10 ml appelkooskonfyt
60 ml blatjang
15 ml tamatiepasta
2 tamaties ontvel en fyn gekap OF halwe blikkie (400 g) tamaties
1 – 2 aartappel in blokkies gesny, opsioneel
125 ml ertjies, opsioneel
Verhit die olie in ‘n pan of kastrol en sorteer die ui daarin tot sag en glasig.
Voeg die speserye by en roerbraai ‘n verdere minuut lank.
Voeg die maalvleis by en braai totdat vleis gaar is.
Geur met sout en peper en voeg die res van die bestanddele by (asook aartappel blokkies en ertjies indien gebruik).
Verlaag die hitte, bedek en laat stadig prut tot geure goed gemeng is en aartappels sag is.