GEROOSTERDE BOTTERSKORSIESLAAI

2 kg botterskorsie, in blokkies gesny
1 rooi soetrissie, in fyn blokkies gesny
1 groen soetrissie, in fyn blokkies gesny
2 stingels seldery, gekap
½ bossie sprietuie, gekap
½ koppie rosyne of bosbessies
vars pietersielie, gekap
20 ml kerriepoeier
5 ml borrie
10 ml fyn komyn
½ koppie bruinasyn
3 eetlepels appelkooskonfyt
3 eetlepels suiker
sout en peper na smaak

Geur botterskorsie met sout en peper en rooster tot gaar.
Meng borrie, kerrie, komyn, suiker, asyn en appelkooskonfyt in ‘n kastrol en verhit tot die suiker gesmelt is.
Sodra die botterskorsie gaar en afgekoel is, meng al die bestanddele in ‘n bak goed deur.
Verkoel verkieslik oornag.
Skep in opdienbak en rond af met pietersielie.

Resep en foto: Willem Bierman