GEMENGDE MOSTERDPIEKELS (PICCALILLY)

Resep: Sharon Gien-Cambier
Foto:  Irene Minnaar – min of meer dieselfde resep. Myne kry 200 ml appelkooskonfyt by en geen selderysout nie.
2de Foto: Rina Kleinhans
Heerlik saam met kookkos, braaivleis, kouevleis of enige maaltyd.

• 1.5 liter groente, sonder die soet rissies
• 250 ml komkommers, in stukkies van 2 duim gesny
• 250 ml groot komkommer skywe
• 250 ml klein uitjies
• 250 ml jong groenboontjies, in stukkies van 1 duim gesny
• 250 ml klein groen tamaties
• 250 ml blomkool
• 2 soet rooirissies, fyn gesny
• 2 soet groenrissies, fyn gesny
• ¾ koppie suiker
• 3 eetlepels mosterd poeier
• 1 teelepel borrie
• 2 eetlepels koekmeel
• 1 teelepel selderysout
• 3 koppies asyn
• Week die bereide groente 24 uur lank in ‘n soutoplossing (1 koppie sout op 3.5 liter water).
• Dreineer die pekel af en spoel die groente met vars koue water af.
• Meng gelyke dele asyn en water en bedek die groente daarmee in ‘n porselein of erdebak. Laat dit 2 uur lank staan.
• Dreineer die water en asynmengsel in ‘n pot en verhit tot dit kook.
• Dompel die groente daarin en kook dit 3 minute lank.
• Meng al die droë bestanddele en voeg 3 koppies warm asyn daarby.
• Roer dit oor stadige hitte tot dit dik is.
• Dreineer die groente baie goed en gooi die water-asyn mengsel weg.
• Giet die warm mosterdsous oor en kook dit 5 minute lank baie stadig.
• Pak die groente in skoon droë warm bottels met die mosterdsous.
• Verseël hulle terwyl alles warm is.
• Hoef nie in die yskas te wees nie, behalwe nadat die bottel oopgemaak is.
• Nota: Baie lekkerder as die gekoopte, en goedkoper ook.