GEEL INDIESE HOENDERKERRIE

Ek het die resep by ‘n Chef in Zanzibar gekry.

45 ml olyfolie
1 ui opgekerf
1 kg hoender fillette
5 knoffelhuisies opgekerf
5 ml borrie
10 ml garam masala
5 ml fyn gemmer
5 ml komyn
5 ml fyn koljander
sout en peper na smaak
250 ml klappermelk
1 blikkie (410g) tamaties opgekerf
8 vars kerrieblare
10 ml suurlemoensap
30 ml suiker
rooipeper en rissievlokkies na smaak

Sny die hoender in blokkies. Geur met sout en peper. Braai in die olyfolie net tot geseël. Skep uit en hou eenkant.
Braai die ui in dieselfde olie tot glasig. Voeg die knoffel by en soteer 1 min lank. Voeg die borrie, garam masala, gemmer, komyn en koljander by en sorteer 1 min lank.
Voeg die tamaties, klappermelk, suurlemoensap, suiker en kerrieblare by.
Verlaag diehitte en laat stadig prut vir ongeveer 15 min lank.
Voeg die hoender by asook rooipeper en rissievlokkies na smaak.
Laat kook vir 5 min lank.
Bedien met rys.

Resep en foto: Amanda Austen