GEBRAAIDE SKAAPLEWER OP RYS

2 medium uie, fyngekerf
500 g skaaplewer, skoongemaak en in repies gesny
2 eetlepels Karoo biltongspeserye (of 2 eetlepels gemaalde koljander, 2 eetlepels bruinsuiker, 1 teelepel grof gemaalde peper)
¼ teelepel neutmuskaat
¼ teelepel fyn naeltjies
2 eetlepels Worcestersous
1 eetlepel gedroogde knoffelvlokkies
1 teelepel Aromat
peper na smaak
1 eetlepel suurlemoensap of asyn
2 eetlepels botter
1 eetlepel Canola olie vir braai
2 koppies gaar rys

Verhit ‘n groot genoeg pan met die olie en botter op die stoof.
Braai al die bestanddele, behalwe die rys, saam in die pan oor medium hitte tot gaar en sag.
Bedien die gebraaide lewer oor warm rys of spaghetti.

Resep en foto: Christelle van Rooyen